أشغلوك الناس عني !

رحت حفلة راشد الماجد و ماجد المهندس و كانت حفلة عجيبه جدا جدا جدا

و هذي اغنية راشد .... و يقول فيها !!

و الصورة اللي حاطتها في لبنان بمنطقة اسمها عمشيت ... مو صج المنظر ! ماشاء الله

-------

اشغلوك الناس عني ياملاك .. وانتا قبل اليوم ماتقوى البعد
جيت اجرب بعدك اشغلني غلاك .. واثر قلبي يحسب الوقت ويعد


الثواني في فراقك لي هلاك .. وانتا لا من غبت عني في سعد
وش حصل لك وش جرى لك وش بلاك .. وش تعذر وش تقول وش بعد


قلبي الي باع غيرك واشتراك .. وعن هوى غيرك تنحى وابتعد
من سبايب صدك وحدة جفاك .. غيمت دنياه واشتد الرعد

مايبي فـ الخلق محبوب سواك .. وان نزل حظه معك ولا صعد
منوة القلب الذي حبك رضاك .. يابعد كل من وقف ولا قعد

راجع بشوقي و لهفتي ...

راجعة للديرة ... . و راجعة لك حبي ...
اشتقت لحبك و حنانك
الله لا يحرمني طيبك
و الله لا يحرمني غرامك
اهديك اغنية أشغلوك الناس عني يا ملاك ....



رسالة شوق لك

المزاج شيقول اليوم؟

المزاج يا جماعة هذي ؟
http://www.youtube.com/watch?v=ifgPa1Ei3nA

تناتيش حجي !

في هالفترة يعني تقريبا حوالي سنة ... اكتشفت فيني شخصية عجيبه .... نوعا ما فيها تناقضات كبيبرة فيها الزين و فيها الشين هذا شي طبيعي .... و اكتشفت على كثر ما انا طيبه و طيبتي مالها حد ... لا اقلب و اصير شريرة ... هاهاههاهاااا بس حتى لو صرت شريرة ما احقد حمدلله شريرة بو جم دقيقة بس ممكن اسوي مشكلة عودة و صار لي قبل جم يوم موقف على كثر ما اهو شرير على كثر ما كل ما ذكرته يضحكني وايد .... اهو في خراب بس فكاهي هاهااهاههها ... فيني حس عالي جدا بالامور يعني احس بصدق المشاعر و احس اذا الشخص اللي جدامي فيه شي و احس بضبط شنو راح يقول... من زمان و انا ادري ان شخصيتي قويه لكن وايد امور و مواقف تبين لي ضعف بشخصيتي خاصة المواقف العاطفيه ... الله يا انا ام دميعة حتى على مسلسل ماكو دموع تنزل هاههاهاها .... وايد امور صارت بحياتي زينه و لله الحمد كافي اني بصحة حمدلله و عندي ناس تحبني و احبهم و الله لا يحرمني حبهم ... عاد قبل جم يوم شخص دعالي دعوة و ماشالله كانت دعوة مستجابة لله الحمد و انا ماراح انسى هالدعوة الحلوة و المستجابة بنفس الوقت ... سيد سيد الظاهر

---

بداية هالسنة كانت مو ذاك الزود

نهاية السنة مفرحة جدا .... الله يديم هالفرحة ولا يحرمني من اللي يفرحني

-----

في اغنية دايما اغنيها له و احبهاااااا( بعدك يبيح اسراري ويزيد حرقة ناري... يا لاعب بافكاري... وش هي حياتي دونك ؟؟ )

و اهديها لك

-----

الغريب .... اني ما كنت اتكلم بمملكتي بهالاسلوب و قاعده احاول اني انوع و هذا شي جديد علي .... يمكن يكون غير مفيد لكن اكتبه وانا في قمة احساسي و صدقي مع ذاتي

مشاعر فاطمة

العيد عليكم مبارك و عساكم تعودونه ان شالله بالصحة و العافيه دايما بالقرب من كل الناس اللي تعزونهم

-------

مسافرة في إجازة خاصة و قصيرة ، كنت أتمنى في هذه السفرة تكون معاي ... شاءت الأقدار ان تختلف الوجهات

لكن سنرجع و نلتقي قريبا ان شاء الله .. صحيح اني بروح ايام معدوده لكن كنها سنين لاني ما اشوفك ولا اسمع صوتك

هذا الجو ... يذكرني لما أكون بالقرب منك و اشوف عيونك اللي احبها

من الحين .... انطر أرد.... علشان حبك

شكرا حبيبي لوجودك بحياتي و حبك

فهــــــــــــــــد

و بدا المشوار ....

مشوار حبي لك

و ابتديت بشوارع حبك اعيش احلى و اجمل الايام

لقيتك يا أحلى و أجمل غرام

الله لا يحرمني منك و من عيونك

الله لا يحرمني شوفك و اترك ظنونك

اجمل الايام انت

و اجمل الاحلام انت

و اجمل السنين ... انت

ياللي ما غيرك حبيب

وانت ياللي بين عيني أصل الطيب

قلبك الدافي و حنانك

يملي كوني حب و شوق

ياللي مابي غير شوفك

و الحياة أجمل و أجمل

يوم اعيش بحضنك هناك فوق

يم نجم الليل

يم الثريا فوق

احلى ايام عمري ابتدت الحين

معاك.....

--------------

ودني لك ...

أو تعال

و جيبني لك

صاحبي

يا حبني لك !!

اجلس و خل الاماني

تبتديك

أو تنتهي لك !

ما للنجوم أوطان

دام السما عيونك

بعثرت هالتحنان

بلقاك و بدونك

بسمتك؟

منهو قراها؟

ضحكتك

منهو كتبها ؟

ما تعرف من السوالف

عشقها والا عتبها

المسا...

اللي ملاه الشوق ؟

ما اسمه مسا

يمكن إسمه ..عمري اللي ضاع فيك؟

والا اسمه..ألف ضحكة تحتريك؟

والا اسمه قلب عاشق..دايم يسمي عليك؟

وانت غايب؟

كنت حاضر بالنواظر

في سوالف هالغرام و هالخواطر

ياللي دايم فيني حاضر

ما تغيب

غزل 1

نالت على يدهـا مالـم تنلـه يـدي
نقشاً على معصمٍ أوهت بـه جلـدي
كأنـهُ طُـرْقُ نمـلٍ فـي أناملـهـا
و روضةٌ رصعتهـا السُحْـبُ بالبـردِ
وقـوسُ حاجبهـا مِـنْ كُـلِّ ناحيـةٍ
و َنَبْـلُ مُقْلَتِهـا ترمـي بـه كبـدي
مدتْ مَوَاشِطهـا فـي كفهـا شَرَكـاً
تصِيدُ قلبي بها مِـنْ داخـل الجسـد
إنسيةٌ لو رأتها الشمـسُ مـا طلعـتْ
من بعدِ رُؤيَتهـا يومـاً علـى أحـدِ
سَألْتُها الوصل قالـتْ : لا تَغُـرَّ بِنـا
من رام مِنـا وِصـالاً مَـاتَ بِالكمـدِ
فَكَم قَتِيلٍ لَنـا بالحـبِ مـاتَ جَـوَىً
من الغرامِ ، ولـم يُبْـدِئ ولـم يعـدِ
فقلتُ : استغفرُ الرحمـنَ مِـنْ زَلَـلٍ
إن المحـبَّ قليـل الصبـر والجلـدِ
قـد خَلفتنـي طرِيحـاً وهـي قائلـةٌ
تَأملوا كيـف فِعْـلُ الظبـيِ بالأسـدِ
قالتْ: لطيف خيـالٍ زارنـي ومضـى
بالله صِفـهُ ، ولا تنقـص ولا تَـزِدِ
فقال: خَلَّفتُـهُ لـو مـات مِـنْ ظمَـأٍ
وقلتُ : قف عن ورود الماء ، لم يرِدِ
قالتْ : صَدَقْتَ ، الوفا في الحبِّ شِيمتُهُ
يا بَردَ ذاكَ الذي قالتْ علـى كبـدي
واسترجعتْ سألتْ عَني ، فقيـل لهـا
ما فيه من رمـقٍ ، دقـتْ يـداً بِيَـدِ
وأمطرتْ لُؤلؤاً من نرجسٍ ، وسقـتْ
ورداً ، وعضتْ على العِنـابِ بِالبـردِ
وأنشـدتْ بِلِسـان الـحـالِ قائـلـةً
مِنْ غيـرِ كُـرْهٍ ولا مَطْـلٍ ولا مـددِ
واللهِ مـا حزنـتْ أخـتٌ لِفـقـدِ أخٍ
حُزنـي عليـه ولا أمٌ علـى ولــدِ
إن يحسدوني على موتي ، فَوَا أسفي
حتى على الموتِ لا أخلو مِنَ الحسـدِ